اج تریخی ڈینہہ اے،پورے جگ اچ محبت،رواداری اتے مذہبی احترام دا عملی مظاہرہ ڈیکھ گھدے،وزیر خارجہ شاہ محمود قریشی دا کرتار پور راہداری دی افتتاحی تقریب نال خطاب

APP55-09 KARTARPUR: November 09 - Foreign Minister Makhdoom Shah Mahmood Qureshi addressing the audience at inaugural session of Kartarpur corridor. APP

اسلام آباد ۔ 09 نومبر (اے پی پی) وزیر خارجہ شاہ محمود قریشی آکھیے جو کرتار پور راہداری کھلنڑدااج تریخی ڈینہہ اے جڈاں پورے جگ ڈیکھ گھدے جو پاکستان محبت، رواداری، بھرا بھرپی اتے مذہبی احترام دا عملبردار ملک اے جتھاں اقلیتاں کوں سب توں ودھ آزادی اتے حقوق حاصل ہین، اج پورے جگ دے سکھ خوش ہین جو وزیراعظم عمران خان انہاں کوں انہاں دی سب دی وڈی عبادت گاہ دی ہمیشہ واسطے زیارت دا در کھول ڈتے اتے ہک پیار دی نویں تریخ لکھی اے۔اے گالھ انہاں کرتار پور راہداری دی افتتاحی تقریب نال خطاب اچ آکھی ۔انہاں بھارت اتے جگ توںا ٓئے سکھ یاتریاں دا شکریہ ادا کیتااتے خوش آمدید آکھیا۔انہاں آکھیے جو اج ہک محبت دی راہداری داافتتاح تھئے جیندا سہراوزیراعظم عمران خان دے سراے،جئیں انکساری اتے صرف اللہ دی خوشنودی کیتے اے کم کیتے جو اج پورا جگ ساڈی مہمان نوازی، وضع داری اتے محبت تے خوش اے۔ انہاںا ٓکھیا جو بابا گرونانک دا سنیہا امن اتے محبت دا اے،ساکوں اے سمجھنڑ دی لوڑھ اے جو خطے دے امن کوں کتھو خطرہ اے، ایندے نال برصغیر کوں کیویں بچایا ونج سگدے، اج کرتار پور اچ بابا گورونانک دے لائے گئے پھلاں دے بج دا گلدستہ بنڑ چکیے،ساکوں نفرت دے بج لاونڑآلیاں کوں بے نقاب کرنڑے ،اولیا اللہ دا سنیہا وی امن ، محبت ، خدمت اتے بھرا بھرپی اے،اساں باہمی عزت و محبت دے رشتے نال چنگائی دو ودھ سگدے ہیں،کاش اج اے سنیہا کشمیر دی ودی اچ وی پجدا۔ انہاںا ٓکھیا جیکر برصغیر اچ سیاسی شعور ہوندا تاں اتھاں غربت نہ ہوندی۔شاہ محمود قریشی آکھیاجیکرکرتار پور کھلنڑ تے عمران خان کوں مبارک ہی ڈیونڑی اے تاں نریندر مودی اے مبارک کشمیر توں کرفیوچا تے اتے کشمیریاں کوں حق خودارادیت ڈے تے ڈیوو،جیکرکرتار پور راہداری کھل سگدی اے تاں،ایل او سی دی عارضی حد بندی وی مک سگدی اے اتے حق خودارادیت دا وعدہ وی پوراتھی سگدے۔

مضمون کا ماخذ : لاٹوفاسیل

متعلقہ مضامین