سکیورٹی فورسزدے شمالی تے جنوبی وزیرستان اچ آپریشنز اچ 12 دہشت گرد ماریے ڳئن ، فائرنگ دے تبادلے اچ پاک فوج دے 6 بہادر نینگر شہید تھی ڳئن، آئی ایس پی آر

راولپنڈی ۔20ستمبر(اے پی پی) سکیورٹی فورسزدے شمالی تے جنوبی وزیرستان اچ آپریشنزاچ 12 دہشت گرد ماریے ڳئن ، فائرنگ دے تبادلے اچ پاک فوج دے 6 بہادر نینگر شہید تھی ڳئن ۔ آئی ایس پی آر موجب سکیورٹی فورسزتے دہشت گرداں وچال جھڑپاں دے 2 واقعات تھئن،19 ستمبر کوں پاک افغان سرحد تے7 دہشت گرداں دی نقل و حرکت ݙٹھی ڳئی جیڑھے پاکستان اچ دراندازی دی کوشش کریندے پئے ہن۔ سکیورٹی فورسز شمالی وزیرستان دےعلاقے سپن وام اچ انھاں دہشت گرداں دا پتہ لاتا تے انھاں کوں موثر انداز اچ ولا ݙے تے ست خوارجی دہشت گرداں کوں ہلاک کرݙتا۔ ݙوجھا واقعہ جنوبی وزیرستان دے علاقے لدھا اچ پیش آئے جتھاں خوارجی دہشت گرداں دے گروپ سکیورٹی فورسز دی چیک پوسٹ تے حملہ کیتا۔سکیورٹی فورسز مقابلہ کریندے 5 خوارجی دہشت گرداں کوں ہلاک کرݙتے جݙاں جو شدید فائرنگ دے تبادلے اچ 6 بہادر نینگر شہید تھی ڳئن ۔ماریے ڳئے دہشت گرداں دے قبضے توں وݙی تعداد اچ اسلحہ و گولہ بارود برآمد تھئے تے علاقے اچ موجود کہیں وی ݙوجھے خارجی کوں مکاوݨ سانڳے کلیئرنس آپریشن جاری اے۔آئی ایس پی آر آکھیے پاکستان دی سکیورٹی فورسزملک توں دہشت گردی دی لعنت کوں مکاوݨ سانڳے پرعزم اے ،ساݙے بہادر سپاہیاں دیاں ایجھیاں قربانیاں ساݙے عزم کوں ٻیا تکڑا کریندن۔

مضمون کا ماخذ : آن لائن لاٹری کے انعامات

متعلقہ مضامین