ملک کوں معاشی لحاظ نال مضبوط کرݨ کیتے وزیراعظم ݙینھ رات کم کریندے پئن، تحریک انصاف تے پابندی دا فیصلہ اڄاں نی تھیا، اسحاق ڈار

لاہور۔16جولائی (اے پی پی) نائب وزیر اعظم تےسینیٹر اسحاق ڈار آکھیا جو ملک کوں معاشی لحاظ نال مضبوط کرݨ کیتے وزیراعظم ݙینھ رات کم کریندے پئن، تحریک انصاف تے پابندی دا فیصلہ اڄاں نی تھیا۔ ایں معاملے تے اتحادیاں نال مشورہ کریسوں جئیں دے بعد فیصلہ قانون تے آئین دے مطابق کیتا ویسی۔ اے ڳالھیں انہاں منگل کوں لاہور اچ داتا دربار کوں غسل ݙیوݨ دی تقریب دے موقع تے میڈیا نال ڳالھ مہاڑ کریندیں ہوئیں آکھی۔ نائب وزیر اعظم تے سینیٹر اسحاق ڈار آکھیا جو وزیر اعظم محمد شہبازشریف اتے وزیر اعلی پنجاب مریم نواز ولوں دلوں داتا دربار کوں غسل ݙیوݨ دی تقریب تے مبارخ ݙینداں۔ ایں موقع تے اسحاق ڈار کوں داتا دربار دی کڄھ تعمیرات اتے بلال گنج ولوں کیتی ڳئی توسیع بارے متعلقہ حکام بریفنگ ݙتی۔ ایں موقع تے صوبائی وزرا خواجہ سلمان رفیق اتے بلال یاسین سودھے محکمہ اوقاف دے اعلی حکام وی موجود ہن۔

مضمون کا ماخذ : پنجاب لاٹری

متعلقہ مضامین