وزیر خارجہ مخدوم شاہ محمود قریشی دی ترک ہم منصب نال ملاقات، اسرائیلی جارحیت دے خلاف اقوام متحدہ اچ رل تے آواز چاوݨ دا فیصلہ

APP37-180521 ANKARA: May 18 - Turkish Foreign Minister Mevlut Cavusoglu receiving Foreign Minister Makhdoom Shah Mahmood Qureshi upon his arrival at the Turkish Foreign Ministry. APP

اسلام آباد۔18مئی (اے پی پی):وزیر خارجہ مخدوم شاہ محمود قریشی منگل کوں انقرہ اچ اپݨے ترک ہم منصب میولوت چاوش اولو نال ملاقات کیتی ۔ڳال مہاڑ اچ ݙوہیں وزرائے خارجہ فلسطین اچ امن و امان دی صورتحال تے ڳالھ مہاڑ کیتی ۔ترک وزیر خارجہ میولوت چاوش اولو او آئی سی دی ایگزیکٹو کمیٹی دے وزرائے خارجہ اجلاس اچ وزیر خارجہ مخدوم شاہ محمود قریشی دے خطاب اتے پاکستان ولوں مظلوم فلسطینیوں دی مسلسل اتے بھرپور حمایت دی تعریف کیتی ۔وزیر خارجہ شاہ محمود قریشی فلسطین دے معاملے تے ترک صدر رجب طیب اردوان اتے ترک حکومت دے پکے واضح موقف دی تعریف کیتی اتے آکھیے جو غزہ اچ اسرائیلی حملیں تے رمضان المبارک وعیدالفطر دے دوران فلسطین اچ پرتشدد واقعات دے تسلسل نال پوری امت مسلمہ ݙکھی اے ۔شاہ محمود قریشی آکھیے جو وزیر اعظم عمران خان دی ہدایت تے اساں پاکستان اچ 21 مئی کوں فلسطینی بھراویں دے نال اظہار یکجہتی کیتے “یوم یکجہتی فلسطین” دے طور تے منیندے پیوں ۔ݙوہیں وزرائے خارجہ نہتے فلسطینیاں تے اسرائیلی جارحیت اتے فلسطینیاں دی جبراً بے دخلی دی پر زور مذمت کیتی تے اسرائیلی جارحیت دے خلاف اقوام متحدہ اچ رل تے آواز چاوݨ دا فیصلہ کیتے ۔وزیر خارجہ آکھیے جو فلسطینی بھراویں کوں کلہا نہ چھوڑیسوں ۔ترک وزیر خارجہ میولوت چاوش اولو وزیر خارجہ مخدوم شاہ محمود قریشی اتے انہاں دے وفد دے اعزاز اچ ظہرانہ ݙتا۔

مضمون کا ماخذ : لاٹری کی پیشگوئی

متعلقہ مضامین