صدر آصف علي زرداري سندس صحتيابي لاءِ چين جي صدر جا خيرسگالي جي پيغام تي ٿورا مڃيا

اسلام آباد – 11 – نومبر (اي پي پي) صدر آصف علي زرداري 31 آڪٽوبر تي زخمي ٿيڻ کانپوءِ عوامي جمهوريه چين جي صدر شي جن پنگ پاران خيرسگالي جي پيغام تي دل سان ٿورا ادا ڪيا آهن. ايوان صدر جي پريس ونگ پاران جاري بيان موجب 3 نومبر تي هڪ خط ۾ چين جي صدر شي جن پنگ صدر آصف علي زرداري کي ڌڪ لڳڻ تي ڳڻتي ۽ صدر جي جلد صحتيابي لاءِ نيڪ خواهشن جو اظهار ڪيو هو. هن خط ۾ پاڪ چين دوستي جي گهرائي جو ورجاءُ ڪندي صدر کي گڏيل طور تي مناسب وقت تي چين جو دورو ڪرڻ جي گرمجوشي سان دعوت پڻ ڏني هئي. صدر آصف علي زرداري چيني صدر پاران خيرسگالي جي پيغام تي ٿورا مڃيندي چيو ته چين جي قيادت ۽ عوام پاران صحتيابي جي پيغامن کان متاثر ٿيو آهيان. صدر چيو ته تمام جلد مناسب تاريخ تي چين جو دورو ڪندس، دوري سان ٻنهي ملڪن جي وچ ۾ پراڻي ۽ مضبوط ٻنڌڻن کي وڌيڪ سگهه ملندي. ٻنهي اڳواڻن پاڪستان ۽ چين جي وچ ۾ ”آل ويدر اسٽريٽجڪ ڪوآپريٽو پارٽنرشپ“ جي اهميت کي اجاگر ڪيو. صدر شي جن پنگ نئين دور ۾ گڏيل مستقبل سان چين پاڪستان ڪميونٽي جي تعمير جي عزم تي زور ڏنو. صدر آصف علي زرداري صدر شي جن پنگ جي ڏاهپ، قيادت ۽ پاڪ چين لاڳاپن کي اڳتي وڌائڻ ۾ سندس تعاون تي ٿورا مڃيا.

مضمون کا ماخذ : مڈاس گولڈ

متعلقہ مضامین