ملک دے معروف صوفی، لوک تے سندھی گلوکار الݨ فقیردا ورھیݨاں 4 جولائی کوں منایا ویسی

اسلام آباد۔29جون(اے پی پی):ملک دے معروف صوفی، لوک تے سندھی گلوکارعلی بخش (الݨ فقیر) دا ورھیݨاں 4 جولائی کوں منایا ویسی ۔ الݨ فقیرکوں صوفی شاعری دی خاص صنف “کافی” گاوݨ اچ ملکہ حاصل ہئی۔ الݨ فقیر 1932ء کوں سندھ اچ ڄمیے انہاں دا اصل ناں علی بخش ہئی ، او ریڈیو تے ٹیلی وژن تےھکو سویں مشہور ہن۔ الݨ فقیر کوں فنی دنیا اچ متعارف کراوݨ دا سہرا سندھ دے ادیب، دانشور تے ماہر ثقافت ممتاز مرزا دے سر تے اے۔ الݨ فقیر سندھی،سرائیکی ، پنجابی، اردو اتے ٻیاں زباناں اچ ڳاوݨ تے صوفیانہ کلام ڳایا لیکن محمد علی شہکی نال ڳایا ونڄݨ آلا نغمہ “تیرے عشق میں جو بھی ڈوب گیا” انھان دی فنی شہرت ودھݨ دا باعث بݨیا۔ ایں توں انڄ انہاں دا ھک ملی نغمہ “اتنے بڑے جیون ساغر میں تو نے پاکستان دیا” وی ٻہوں مشہورتھیا ۔ الݨ فقیر کوں 1980ء اچ صدارتی تمغہ حسن کارکردگی نال نوازیا ڳیا ۔ الݨ فقیر 4 جولائی 2000ء کوں کراچی اچ وفات پاتی تے جامشورو اچ دفنایا ڳیا ۔ الݨ فقیر دے ورھیݨے تے سماجی و ثقافتی حلقیں تے شوبز انڈسٹری دے انتظام نال مختلف تقریباں تھیسن جیں اچ انہاں دی خدمات کوں خراج عقیدت پیش کیتا ویسی۔

مضمون کا ماخذ : خیبر پختونخوا لاٹری

متعلقہ مضامین