اسلام آباد۔17مئی(اے پی پی) وزیر اعظم دے معاون خصوصی داخلہ عطا اللہ تارڑ آکھیے پی ٹی آئی دے شرپسند عمران خان دی کرپشن توں توجہ ہٹاوݨ چاہندوں ، فساد کھنڈاوݨ بھن تروڑ کرݨ آلے شرپسنداں دے خلاف سخت کارروائی کیتی ویسی ، پی ٹی آئی کارکناں ارض پاک دے مقدس جہیں دی بے حرمتی کیتی ،پی ٹی آئی کارکن سازش دے تحت شہدا دی یادگاراں تے حملہ آور تھئے۔ٻدھ کوں اتھاں پریس کانفرنس توں خطاب کریندے ہوئیں وزیر اعظم دے معاون خصوصی داخلہ عطا اللہ تارڑ آکھیے لاہور اچ قائداعظم محمد علی جناح دے گھر کوں وی نہ بخشیا ڳیا ، عمران خان دے بھنڑیجے حسان نیازی جناح ہائوس تے حملے اچ ملوث ݙٹھے ڳئن ، شرپسنداں شہداء دی تصویراں وی ساڑین ، 1965 دے ہیروایم ایم عالم دی یادگار کو وی نشانہ بݨایا ڳئے ، شرپسنداں نے کیپٹن کرنل شیر خان شہید (نشان حیدر )دی یادگار کوں وی ضیان پڄائے ،انہاں مجرماں کوں قرار واقعی سزا ݙیوائی ویسی ، مراد سعید دی کارکناں کوں مشتعل کرݨ دی آڈیو موجود اے ، آڈیوز اتے ویڈیوز اچ پی ٹی آئی رہنماواں کوں شرپسنداں دی قیادت کریندے ہوئیں ݙٹھا ونڄ سڳدے ، پشاور اچ چاغی پہاڑ دے نمونے کوں وی بھاہ لاتی ڳئی ، 1947اچ پاکستان دی آزادی دا اعلان کرݨ آلے ریڈیو کوں وی نشانہ بݨایا ڳئے ،فساد کھنڈاوݨ تے بھن تروڑ کرݨ آلے شرپسنداں دے خلاف سخت کاروائی کیتی ویسی ۔
.jpg)
