پاکستان کوں عظیم ملک ٻݨاوݨ کیتے بابائے قوم دے سنہری اصولاں تے عمل کرݨا ہوسی، صدر مملکت ڈاکٹر عارف علوی دا قائد ڈے تے سنیہا

اسلام آباد۔25دسمبر(اے پی پی)صدر مملکت ڈاکٹر عارف علوی ٻالاں کوں آکھیے جو او علم حاصل کرن، اپݨے کردار کوں اچا کرن، اخلاقیات اتے سچائی برقرار رکھن، پاکستان کوں تکڑا کرݨ کیتے ”اتحاد، ایمان اتے نظم و ضبط” اپناوݨا ہوسی۔ اے ڳالھ انہاں قائدِ اعظم دے ڄمݨ ݙینھ تے “قائد اتے ٻال” سانڳے تقریب نال خطاب اچ آکھی۔ ایں موقع تے وفاقی وزیر خزانہ سینیٹر محمد اسحاق ڈار، اسلام آباد دے مختلف سکولاں دے ٻال، والدین، اساتذہ اتے میڈیا دے نمائنداں شرکت کیتی۔ صدر مملکت آکھیا جو ٻال ساݙی قوم دا مستقبل ہین جیکوں ملک کوں ترقی اتے خوشحالی دی راہ تے سٹݨ کیتے اپݨیاں صلاحیتاں ودھاوݨیاں ہوسن، ٻالاں اتے نینگراں کوں اپݨے آپ اچ “اتحاد، ایمان اتے تنظیم” برقرار رکھݨا ہوسی، آزادی دے تحفظ کیتے کردار وی اڄوکے حالات اچ ضروری عمل اے، پاکستان دا مقدر ہک عظیم ملک ٻݨݨ اے، بابائے قوم دے سکھائے ہوئے سنہری اصولاں تے ٹر تے ہی ترقی و خوشحالی ممکن تھی سڳدی اے۔

مضمون کا ماخذ : اسٹریٹیجیا لاٹوفاسیل

متعلقہ مضامین