وزارت داخلہ اچ ان کیمرہ اجلاس، پی ٹی آئی دا لانگ مارچ ہر سورت روکݨ دا فیصلہ، رید زون کوں پاک فوج سیکیورٹی ݙیسی
APP41-041022
ISLAMABAD: October 04 - Federal Minister for Interior Rana Sana Ullah Khan chairing a meeting to finalize Strategy on PTI long March. APP
اسلام آباد۔4اکتوبر(اے پی پی)وفاقی حکومت پی ٹی آئی دی اسلام آباد تے ممکنہ چرھائی روکݨ کیتے حکمت عملی ٻݨا ڳھدی، لانگ مارچ کہیں صورت اسلام آباد نا وڑݨ ݙتا ویسی، ریڈ زون اچ سرکاری عمارتاں اتے ڈپلومیٹک انکلیو دی سیکیورٹی پاک فوج کریسی، اسلام آباد پولیس سودھا سندھ پولیس، رینجرز اتے ایف سی دی خدمات ڳھدیاں ویسن، ہر قسم دا اسلحہ نال رکھݨ تے پابندی ہوسی ڄݙاں جو لانگ مارچ کوں کوئی وی مدد یا حمایت ݙیوݨ آلیاں دے خلاف ایسٹا کوڈ دے تحت سخت کارروائی کیتی ویسی۔ اے فیصلے وزیر داخلہ رانا ثنا اللہ دی اڳواݨی اچ وزارت داخلہ اچ تھیوݨ آلے اہم اجلاس اچ کیتے ڳین جیندے اچ پی ٹی آئی دا ممکنہ لانگ مارچ روکݨ کیتے حکمت عملی تے غور کیتا ڳئے۔ اجلاس اچ سیکرٹری داخلہ یوسف نسیم کھوکھر، کمانڈنٹ ایف سی صلاح الدین محسود، آئی جی اسلام آباد ڈاکٹر اکبر ناصر، کمانڈر رینجرز اسلام آباد، چیف کمشنراسلام آباد عثمان یونس، ڈی آئی جی آپریشنز سہیل ظفر چٹھہ، ڈپٹی کمشنر اسلام آباد عرفان میمن شرکت کیتی ڄݙاں جو ایں موقع تے سیکیورٹی ایجنسیز اتے ٻئے متعلقہ قانون نافذ کرݨ آلے اداریاں دے نمائندے وی موجود ہن۔ اجلاس دی کارروائی ان کیمرہ رکھی ڳئی۔ اجلاس اچ سکیورٹی ایجنسیز ممکنہ لانگ مارچ بارے بریفنگ ݙتی۔ ایں سانڳے سیکیورٹی کیتے قانون نافذ کرم آلے اداریاں دی 30 ہزار نفری لاوݨ دا فیصلہ کیتا ڳئے۔ وزیر داخلہ ہدایت کیتی جو لانگ مارچ اچ اسلام آباد دے شہریاں دی نقل وحمل دی آزادی، ہسپتالاں اتے سکولاں کوں فعال رکھیا ونڄے۔
.jpg)
