پاکستان دا راجوری اچ پاکستانی شہری دے غیر قانونی قتل تے احتجاج، دفتر خارجہ

اسلام آباد۔5ستمبر(اے پی پی)پاکستان بھارتی مقبوضہ جموں و کشمیر اچ بھارتی سیکورٹی فورسز دے ہتھو ہک پاکستانی شہری دے ماورائے عدالت قتل دی شدید مذمت کریندے ہوئے اسلام آباد اچ بھارتی ناظم الامور کوں وزارت خارجہ سݙ تے راجوری اچ بھارتی فوجی ہسپتال اچ پاکستانی شہری تبارک حسین دے غیر قانونی قتل تے شدید احتجاج کیتے۔ پاکستان آکھیے جو ذہنی معذور پاکستانی شہری تبارک حسین دے قتل تے ناظم الامور اپݨی حکومت کوں مذمتی سنیہا پچاون، تبارک حسین ان ڄاݨ طور تے 21 اگست کوں ضلع راجوری دے نوشہرہ اچ لائن آف کنٹرول پار کیتی ہئی جیکوں بھارتی سیکورٹی فورسز گولی مار ݙتی ہئی۔ ترجمان اے بھارتی دعویی مسترد کر ݙتے جو تبارک حسین دل دا دورہ پووݨ نال موئے اتے ایکوں پاکستانی فوج ٻھیڄا ہا۔ پاکستان آکھیے جو تبارک حسین ذہنی طور تے مئزور ہا، اتے پہلے وی 2016 اچ سرحد پار کرݨ پاروں 2 سال توں ودھ قید کٹ تے ولیا ہا۔

مضمون کا ماخذ : ڈوپلا سینا

متعلقہ مضامین