اسلام آباد۔18مارچ (اے پی پی) وزیر اعظم عمران خان آکھیا جو نیا پاکستان حقیقت اچ نویں سوچ دا ناں اے، تعمیراتی شعبہ اچ بڑھوتری نال ملکی معیشت کورونا جیہی وبا اچ وی بچی رہی۔ایں شعبے پاروں معیشت اچ بہتری،روزگار اچ ودھارا اتے دولت دی فراوانی تھیسی جئیں نال ملک تے چڑھݨ آلے قرضے واپسی کرݨ اچ مدد ملسی۔ اے ڳالھیں انہاں خمیس کوں محنت کشاں اچ گھر اتے فلیٹ تقسیم کرݨ دی تقریب نال خطاب کریندیں ہوئیں آکھی۔ وزیراعظم آکھیا جو او ذلفی بخاری اتے ورکر ویلفیئر فنڈ دی ٹیم کوں خراج تحسین پیش کریندن جو 25 سال پراݨے منصوبے کوں حقیقت اچ بدل ڈتے۔ اے وڈی کامیابی اے۔ پنجوی سال کہیں اینکوں آپݨی ترجیح بݨاوݨ دا نی سوچیا۔ انہاں آکھیا جو اساں بینکاں توں مارگیچ دا نواں قانون گھن آئے ہیسے جئیں نال بینک پہلی واری ایں طبقے کوں گھر ڈے سگسن۔ ایں قانون کوں بݨاوݨ اتے عدالت توں موکل گھنݨ اچ ݙو سال لگیے،دیر تھیوݨ دی وی ایہو وجہ ہئی۔ وزیراعظم سٹیٹ بینک دے گورنر رضا باقر کوں ایں موقع تے تاکیدکیتی جو ایں قرضے سانڳے 380 ارب روپے رکھے ہوئن۔ عام آدمی سانڳے ایندا حصول سوکھا بݨایا ونجے۔ انہاں آکھیا جو حکومت ولوں ایں اچ ترائے لکھ دی سبسڈی گھر اتے فلیٹ تے ڈتی ویندی پئی اے۔ 20 سال سانگے سود دی شرح کوں پنج فیصد تے منجمد کر ڈتا ڳئے۔ انہاں آکھیا جو تعمیراتی شعبہ کلھا ملکی معیشت کوں ترقی ݙے سگدے۔ ای موقع تے وزیراعظم پودا وی لاتا۔
.jpg)
