نیویارک ۔ 30 اپریل (اے پی پی) اقوام متحدہ اچ پاکستان کی مستقل مندوب ڈاکٹرملیحہ لودھی آکھیے جو چین دا ون بیلٹ ون روڈ منصوبہ سی پیک جیں دا حصہ اے ، 21 صدی دا عظیم ترین اقتصادی منصوبہ اے جیرھا علاقائی رابطے دی بنیاد تے سارے ملکاں اچ معاشی خوشحالی گھن آسی۔چینی خبر رساں ادارے کوں انٹرویو اچ ڈاکٹر ملیحہ لودھی آکھیا پاکستان اچ چین دے ون بیلٹ ون روڈ منصوبے کوں 21ویں صدی دا اہم ترین منصوبہ تصور کیتا ویندے ۔ 46 ارب ڈالر دے ایں منصوبے نال ترائے ہزار کلومیٹر سڑکاں ، ، ریلوے لائنز، پائپ لائنزاتے بئے انفراسٹرکچر نال چین دے صوبہ سنکیانگ دے شہر کاشغر کوں پاکستان دی گوادر بندرگاہ نال رلایا ویسی ۔انہاں منصوبیں نال چین جنوبی ایشیا اتے وسطی ایشیا اچ ارباں لوکاں دیاں زندگیں اچ بہتری آﺅسی ۔سی پیک ترائے مرحلیں اچ 2030 تئیں پورا کیتا ویسی ۔مشرق تے مغرب دے سنگھم تے واقع ہوونڑ پاروں پاکستان کوں اپنڑے محل وقوع دی وجہ توں چین دے نال علاقائی رابطے دے ودھارے اچ اہمیت حاصل تھی ویسی ۔پاکستانی مندوب آکھیا جو علاقائی رابطے نال انہاں دی مراد صرف ملکاں وچال سانجھے رابطے کائنی بلکہ انہاں ملکاں دے عوام تے انہاں دے دلاں وچال رابطے وی ہن ۔ون بیلٹ ون روڈ منصوبے دا عوام نال عوام دے رابطے دا پہلو جیرھا ساریں دی جت دا فارمولا اے ایندا مقصد صرف پاکستان تے چین دے عوام کائنی بلکہ سارے لوکاں دی فلاح بہبود اے ۔تقریباً ہک سو ملکاں د یی شرکت دے نال ہنڑ اے عالمی منصوبہ بنڑ گے تے پاکستان کو ں ایں منصوبے اچ چین دا بنیادی شراکت دار ہوونڑ تے بہوں خوشی اے ۔اے منصوبہ پائیدار ترقی دے اہداف 2030 ءدے حصول اچ وی اہم کردار ادا کریسی ۔اقوام متحدہ دے فورم تے ہک عالمی طاقت دی حیثیت نال چین دا ہک مستقل کردار اے ۔
.jpg)
