صدر مملکت ڈاکٹر عارف علوی نال عالمی ادارہ صحت اتے جان ہاپکنز یونیورسٹی دے وفد دی ملاقات

اسلام آباد۔21جولائی (اے پی پی) صدر مملکت ڈاکٹر عارف علوی خصوصی لوکاں دی مالی خود مختاری کیتے انہاں کوں ہنر مند ٻݨاوݨ دی لوڑھ تے زور ݙیندیں ہوئیں آکھیا جو معاشرے کوں وکھری صلاحیتاں آلے لوکاں ولوں اپݨے رویے بدلݨے پوسن۔ اے ڳالھیں انہاں عالمی ادارہ صحت اتے جان ہاپکنز یونیورسٹی دے وفد نال ??الھ مہاڑ کریندیں ہوئیں آکھی۔ وفد جمعے کو?? عالمی ادارہ صحت دے پاکستان اچ سربراہ ڈاکٹر پالیتھا مہیپالا دی اڳواݨی اچ انہاں نال ملاقات کیتی۔ وفد صدرمملکت اتے خاتون اول دی خصوصی لوک، چھاتی دے کینسر، نفسیاتی صحت اتے صحت دے ٻے مسئلیاں تے کوششاں دی تعریف کیتی۔ صدرمملکت آکھیا جو خصوصی لوکاں دی بحالی اتے انہاں دی سہولت کیتے انہاں کوں معاون ٹیکنالوجی ݙیوݨ تے توجہ ݙیوݨ دی لوڑھ اے، بحالی اتے معاون ٹیکنالوجی دی خدمات کوں پرائمری اتے کمیونٹی سطح تے ݙیوݨ کیتے کم کرݨا پوسی۔ صدر مملکت عالمی ادارہ صحت کوں بحالی 2030 منصوبہ شروع کرݨ تے مبارخ ݙتی اتے جان ہاپکنز یونیورسٹی اتے عالمی ادارہ صحت کوں بحالی لیڈرشپ کورس کراوݨ دی تعریف کیتی۔