لاپتہ لوکاں دے مسئلے کوں انتخابی مہم کیتے پروپیگنڈا دے طور استعمال نی کرݨا چاہیدا،نگراں وزیر داخلہ سرفراز بگٹی

اسلام آباد۔30اکتوبر (اے پی پی) نگراں وزیر داخلہ سرفراز بگٹی آکھیا جو لاپتہ لوکاں دے مسئلے کوں انتخابی مہم کیتے پروپیگنڈا دے طور استعمال نی کرݨا چاہیدا۔ بلوچ عوام دا اگر کہیں کوں درد اے جݙاں او حکومت دا حصہ ہن تاں اوں ویلھے آواز چاوݨی چاہیدی ہئی۔ سنوار کوں سینیٹ اجلاس اچ سینیٹر نسیمہ احسان دے نکتہ اعتراض تے ڳالھ کریندیں ہوئیں انہاں آکھیا جو فلسطین اتے بلوچستان دی صورتحال دا کوئی مقابلہ کائنی، ایوان اچ ایجھی ڳالھیں مناسب نی ہوندی۔ پروفیسر ناظمہ طالب کوں 9 اپریل 2009 کوں بے دردی نال کوئٹہ اچ شہید کیتا ڳئیا، او 30 سال تدریس دے شعبے نال جڑی رہی، کیا انہاں کیتے کہیں جماعت اڄ تئیں آواز چاتی اے۔ لاپتہ بندیاں دا واقعی ہک مسئلہ اے پر ایندا حل اے نی جو اینکوں پروپیگنڈے دے طور سیاسی مقاصد کیتے استعمال کیتا ونڄے۔

مضمون کا ماخذ : سلور لائونیس 4x ضرب

متعلقہ مضامین