اسلام آباد ۔ 26 جولائی (اے پی پی) سینیٹ دی خارجہ امور کمیٹی دے چیئرمین مشاہد حسین سیدآکھیے جو کشمیرجگ دا وڈا قید خانہ بنڑیا ہوئے جیڑھا انسانیت دے خلاف سب توں وڈا جرم اے،بھارت جانڑ بجھ تے فلسطین ماڈل کوں مقبوضہ وادی اچ اچ نافذ کرنڑ دی کوشش کریندا پئے،آر ایس ایس دی فاشسٹ پالیسی اکثریت کوں اقلیت اچ بدلنڑ اے، کشمیری عوام پاکستان دے بقاءدی جنگ لڑدے پین،پاکستان کوں چاہیدے جو اوہمت و حوصلے اتے منظم طریقے نال کشمیریاں دا کیس فائل کرے۔اے گالھ انہاں اے پی پی نال الویندے آکھی۔انہاںا ٓکھیے جو کشمیری عوام دے خلاف ڈبل لاک ڈاﺅن اے، ہک تاں انتظامی لاک ڈاﺅن اے جیڑھا 5 اگست 2019ءتوں شروع تھیا ہا،ڈوجھا لاک ڈاﺅن کورونا وائرس پاروں لگا ہوئے اتے کشمیریاں دا جیونڑ اوکھا تھی گئے۔ سینیٹر مشاہد حسین سید آکھیے جو ہک ضعیف اتے بیمار تریمت حریت رہنما دختران ملت آسیہ اندرابی کوں زبردستی تہار جیل اچ قید تنہائی اچ رکھنڑ فاشزم دی بدترین مثال اے،ایندے تے آوازچاونڑ اتے مودی دے ظلم بے نقاب کرنڑ ضروری اے،انہاںا ٓکھیے جو بھارتی حکومت ہک سوچی سمجھی سازش دے تحت فلسطین ماڈل کوں کشمیر اچ گھن آونڑ دی کوشش کریندا پئے بھل اے کوشش ناکام تھیسی، پاکستان پورے عزم نال کشمیر دے نال کھڑے، ایں معاملے تے حکومت اپوزیشن اتے عوام ہکے صفحے تے ہین، پاکستان توں کشمیر کوں کوئی وی انجھ نئیں کر سگدا۔
