اسلام آباد۔9جولائی (اے پی پی):قومی اسمبلی کوں ݙسایا ڳیا جو ملک دے شہری تے دیہاتی علاقیں اچ نواں پاکستان ہائوسنگ سکیم دے تحت گھراں دی تعمیر تکھے جاری اے ، دیہاتی علاقیں دی 12 تحصیلاں اچ وی پروگرام دا افتتاح کرݙتا ڳئے ، پرائیویٹ پبلک پارٹنر شپ دے تحت پورے ملک اچ 4 توں6 مہینے اچ 30 لکھ گھراں دی تعمیر شروع تھی ویسی تے حکومت ولوں ایندے تے 3 لکھ روپے تئیں سبسڈی ݙتی ویسی ۔قومی اسمبلی اچ نواب شیر وسیر دے وزیراعظم دے نواں پاکستان ہائوسنگ منصوبے دے تحت غریب خانداناں کیتے چھوٹے ہائوسنگ یونٹس تعمیر کرݨ دے ضمن اچ منصوبہ بندی دے فقدان متعلق توجہ کراؤ نوٹس دے ولدے اچ وزیر اعظم دے مشیر پارلیمانی امور ڈاکٹر بابر اعوان آکھیے جو حکومت نواں پاکستان ہائوسنگ دے حوالے نال آپݨا کم کریندی پئی اے لوکاں کوں انہاں دے مہینے دے کرائے دے برابر 20 سالاں تئیں ماہانہ قسطاں ادا کرݨیاں پوسن ، ایں ضمن اچ ورکرز ویلفیئر فنڈز، حبیب بنک اتے عسکری بنکاں سودھے چارے صوبیں دے نال ایم او یو تے دستخط تھئن۔ اے گھر نواں پاکستان سکیم دے رجسٹرڈ لوکاں کوں ملسن انہاں آکھیے جو میوزئی نوشہرہ، علی پور فراش اسلام آباد اتے لاہور اچ ساڑھے ترائے مرلہ توں پنج مرضہ زمین تے 45 ہزار گھراں دی تعمیر شروع کرݙتی ڳئی اے اے اٹھاراں مہینے اچ مکمل تھیسن ایندی قسط 6 ہزار ماہانہ توں 10 ہزار ماہانہ تئیں ہوسی ، کرایہ ݙیوݨ آلے لوک کرایہ ݙیوݨ دی بجائے 20 سال اچ گھر دے مالک بݨ ویسن ۔
.jpg)
